பெண்ணே நீ பேயா, பிசாசா? இல்லை தேவதையா???? - பாகம் இரண்டு...

இதை நீங்கள் வது நபராக வாசிக்கிறீர்கள்

வாழ்வில் எதிர்பாராமல் வந்த புயல் ....கூடவே இடியும் மின்னலும்....

பெண்ணே நீ பேயா, பிசாசா? இல்லை தேவதையா????

மெகா சீரியல் - எபிசோட் இரண்டு

கதை திரைக்கதை வசனம் பாடல்கள் இசை இயக்கம்

ஒன் அன்ட் ஒன்லி ராட் மாதவ்

இந்த பதிவை படிக்கும் பெண்களுக்கு நிச்சயமாக 'ஆண்களின் மகத்துவம்' புரியும்.

படிக்கும் ஆண்களுக்கு அவர்களின் பெருமை புரியும்.

ஸ்டார்ட், கேமரா...ஆக்சன்........................................

ஒரு ஆறு, அதன் கரையில் ஒரு அரச மரம். அந்த மரக்கிளையில் இருந்து கொண்டு ஒரு ஆசாரி கோடாலியால் வெட்டிக் கொண்டிருந்தார்.

ஒரு நொடி கவனம் சிதறியது. கோடாலி ஆற்றினுள்ளில்.

ஆசாரிக்கு நீச்சல் தெரியாது. என்ன செய்வது.
கோடாலி இல்லையேல் மரம் இல்லை.
மரம் இல்லையேல் பணம் இல்லை.
பணம் இல்லையேல் உணவு இல்லை.

கலங்கியவர் உரக்க கதறிக்கொண்டே இறைவனை விளித்தார்.

'ஹே கடவுளே, ராதா மாதாவா, என்னை காப்பாத்து.......

உடன் கடவுள் தரிசனம். 'மகனே! எனை ஏன் அழைத்தாய்?.

கடவுளே, எனக்கு என் கோடாலி வேண்டும். அது இல்லை எனில் என்னால் பிழைக்க முடியாது. அருள் புரிவீராக??

கடவுள் ஒரே குதியாக ஆற்றில் குதித்து வெளி வந்தார். ஆஹா... கையில் ஒரு தங்கக் கோடாலி.

'மகனே இதுதானா?'

' இல்லை இறைவா'

கடவுள் மீண்டும் குதித்து வெளிவந்தார்.

இப்போது ஒரு 'சில்வர் கோடாலி'

மகனே 'இதுதானா'.

'இல்லை கடவுளே'

மீண்டும் கடவுள் பொறுமையாக குதித்து வெளி வந்தார். இப்போது ஒரு இரும்பு கோடாலி.

கடவுள் வாய் திறக்கும் முன்பே ஆசாரி 'ஆனந்தத்தில்' ஹீரோ 'ராத் மாதவ்
ஸ்டைலில் துள்ளி ஆடிக்கொண்டே

'எஸ் மை லார்ட், இட்ஸ் மை கோடாலி யேதான்' என்றார்.

கடவுளுக்கு ஆச்சர்யம். புல்லரிப்பு... நமது ஸ்ருஷ்டியில் ஆண்கள் இவ்வளவு நல்லவர்களா? கடவுளுக்கும் கண்கள் பனித்தது. இதயம் இனித்தது. மனம் மகிழ்ந்த அவர் 'மூன்று' கோடாலிகளையும் ஆசாரிக்கு பரிசாக அளித்து விட்டு பறந்து விட்டார்.

ஆசாரிக்கோ பிலாக்கில் இருநூறு பின்னூட்டம் கிட்டிய பதிவர் மனசு போல் ஆனந்தம்.

நாட்கள் உருண்டோடின....

அதே ஆறு, அதே மரம், அதே கரை.

ஆசாரியும் அவரது அருமை மனைவியும் நடந்து கொண்டிருந்தனர்.

காலத்தின் கட்டாயம் அல்லது விதியின் சதி அல்லது ஆசாரியின் நல்ல நேரம். மனைவி திடீரென ஆற்றுக்குள் விழுந்து விட்டார்.

நீச்சல் தெரியாத ஆசாரி மீண்டும் கதறினார்.

'ஹே கடவுளே, ராதா மாதாவா, என்னை காப்பாத்து......

உடன் கடவுள் தரிசனம். 'மகனே! எனை ஏன் அழைத்தாய்?.

"Oh Lord, my wife has fallen into the water!"

கடவுள் ஒரே குதியாக ஆற்றில் குதித்து வெளி வந்தார்.
ஆஹா.... கொண்டு வந்தது 'அசின்' சினிமா நடிகை.

'மகனே! நன்றாகப் பார்த்து சொல், இதுதானா உன் மனைவி?

'ஆமாம் இறைவா, இதுதான் என் மனைவி, ஆசாரி அழுதுகொண்டே கூறினார்.

கடவுளுக்கு ஆத்திரம் பொத்துக்கொண்டு வந்தது. நமக்கே மொக்கையா???

கடவுள் சீறினார். 'கொடியவனே, நயவஞ்சகா, பேராசை பிடித்தவனே, இது உன்மனைவி இல்லை என்று தெரிந்தும் என்னிடம் நீ பொய் சொல்கிறாய்' சுட்டெரித்து விடுவேன் உன்னை'

கடவுளின் காலைப்பிடித்துக்கொண்டு ஆசாரி அழ ஆரம்பித்தார்.

'இறைவா, கடவுளே, ஓ மை லோர்ட், இது எனது புரிந்து கொள்ளும் திறனுக்கு பற்றிய ஒரு சிறு தவறாக இருக்கலாம்.
ஏன் எனில், நான் 'இல்லை' என்று சொன்னால் இரண்டாவது முறை நீங்கள் 'நயனதாராவை' கொண்டு வருவீர்கள். அப்போதும் இல்லை என்று சொன்னால் மூன்றாவதாக என் மனைவியை கொண்டு வருவீர்கள். நானும் 'ஆமாம்' என்பேன். இறுதியில் என் நேர்மையை பாராட்டி மூன்றையும் என் தலையில் கட்டி விடுவீர்கள்.

நான் ஏழை தலைவா, என்னால மூணு பொம்மனாட்டிகள வச்சு குடும்பம் நடத்த முடியாது....அதனாலதா அப்படி பொய் சொன்னேன்!!!!

கடவுளுக்கு புல்லரித்தது. அவனை ஆசிர்வதித்து விட்டு பறந்து போனார்.

************

இந்த கதையோட 'தத்துவம்' என்னான்னா????
ரஜனி ஸ்டைல்ல....

ஆம்பளையும் பொய் சொல்வான், பொம்பளையும் பொய் சொல்லும்.
ஆனா, ஆம்பள பொய் சொன்னா, அது நல்லதுக்கு, நாலு பேர காப்பாத்துறதுக்கு, நேர்மைக்கு, இது மாதிரி இன்னம் நிறைய....

ஆனா... ஒரு பொம்பள பொய் சொல்றது, தன்ன மட்டும் காப்பாத்திகிடுறதுக்கு ...ஹ....ஹ...ஹ...ஹா........

இப்ப தெரியுதா உண்மை.........

*******

இந்த பதிவுக்கு என்ன ஊக்குவிச்ச லிங்க்
கணவர்கள் விற்பனைக்கு.....

நன்றி: துரை மாமா அனுப்பிய மின்னஞ்சல்